លោក ជោ ម៉ាប់ ប្រធានលេខាធិការដ្ឋានរៀបចំការបោះឆ្នោតខេត្តព្រះវិហារ បានដឹកនាំកិច្ចប្រជុំផ្សព្វផ្សាយជាមួយភាគីពាក់ព័ន្ធ ស្តីពីកិច្ចសហការ និងវិធានការការពារសន្តិសុខ សុវត្ថិភាព និងសណ្តាប់ធ្នាប់សាធារណៈ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ដោយមានការអញ្ជើញចូលរួមពីតំណាងអភិបាលនៃគណៈអភិបាលខេត្ត តំណាងនាយករដ្ឋបាលសាលាខេត្ត តំណាងកម្លាំងការពារសន្តិសុខបោះឆ្នោតក្នុងខេត្ត តំណាងអភិបាលក្រុង ស្រុកទាំង ៧ តំណាងអធិការនគរបាលក្រុង ស្រុក គណបក្សនយោបាយក្នុងខេត្ត សមាគម អង្គការមិនមែនរដ្ឋាភិបាល តំណាងមន្ទីរព័ត៌មានខេត្ត មន្ត្រី ល.ខ.ប និងភាគីពាក់ព័ន្ធ សរុបប្រមាណ ២៩នាក់ នៅលេខាធិការដ្ឋានរៀបចំការបោះឆ្នោតខេត្តព្រះវិហារ នាព្រឹកថ្ងៃទី១៨ ខែកញ្ញា ឆ្នាំ២០២៦។
