គណៈកម្មាធិការជាតិរៀបចំការបោះឆ្នោត (គ.ជ.ប) នឹងរៀបចំកិច្ចប្រជុំពិគ្រោះយោបល់លើសេចក្តីព្រាងបទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ នាព្រឹកថ្ងៃចន្ទ ទី៣១ ខែសីហា ឆ្នាំ២០២៦ វេលាម៉ោង ៨:០០ នៅសាលសន្និសីទសារព័ត៌មាននៃទីស្ដីការ គ.ជ.ប (ជាន់ទី៥) ស្ថិតនៅមហាវិថីសម្តេចសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
កិច្ចប្រជុំពិគ្រោះយោបល់នេះ នឹងមានការអញ្ជើញចូលរួមពីភាគីពាក់ព័ន្ធដែលជាតំណាងក្រសួង ស្ថាប័នរដ្ឋ តំណាងគណបក្សនយោបាយ តំណាងសមាគម និងអង្គការមិនមែនរដ្ឋាភិបាល។
របៀបវារៈនៃកិច្ចប្រជុំមានដូចខាងក្រោម៖
- មតិស្វាគមន៍បើកកិច្ចប្រជុំដោយ ឯកឧត្តម ហ៊ឺ រ៉ុង អគ្គលេខាធិការរង គ.ជ.ប និងជានាយកខុទ្ទកាល័យឯកឧត្តមប្រធាន គ.ជ.ប
- កិច្ចពិភាក្សាលើមតិយោបល់របស់ភាគីពាក់ព័ន្ធ ការឆ្លើយសំណួរ និងការបកស្រាយលើយោបល់ដែលបានលើកឡើង
- មតិបូកសរុប និងបិទកិច្ចប្រជុំដោយ ឯកឧត្តម ទេព នីថា អគ្គលេខាធិការ គ.ជ.ប។
សូមអញ្ជើញអ្នកសារព័ត៌មានចូលរួមក្នុងកម្មវិធីនេះ កុំបីខាន៕
