សេចក្តីជូនដំណឹងលេខ ០៧៦ គ.ជ.ប.អគ្គ៖ គ.ជ.ប នឹងប្រកាសផ្សាយលទ្ធផលផ្លូវការនៃការបោះឆ្នោតជ្រើសរើសក្រុមប្រឹក្សា អាណត្តិទី៤ ឆ្នាំ២០២៤

អគ្គលេខាធិការដ្ឋាននៃគណៈកម្មាធិការជាតិរៀបចំការបោះឆ្នោត (គ.ជ.ប) មានកិត្តិយសសូមជម្រាបជូនសាធារណជន ប្រព័ន្ធផ្សព្វផ្សាយព័ត៌មានជាតិ អន្តរជាតិ និងភាគីពាក់ព័ន្ធនឹងការបោះឆ្នោតទាំងអស់មេត្តាជ្រាបថា គ.ជ.ប នឹងប្រកាសផ្សាយលទ្ធផលផ្លូវការនៃការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ ហៅកាត់ថា “ក្រុមប្រឹក្សា” អាណត្តិទី៤ ឆ្នាំ២០២៤ នៅថ្ងៃទី៤ ខែមិថុនា ឆ្នាំ២០២៤ វេលាម៉ោង ៤:០០រសៀល តាមប្រព័ន្ធផ្សព្វផ្សាយដូចខាងក្រោម៖

-    ទូរទស្សន៍ជាតិកម្ពុជា (ទទក) 

-     វិទ្យុជាតិកម្ពុជា ៖ វិទ្យុ AM 918 KHz វិទ្យុ FM 96 MHz និងវិទ្យុវត្តភ្នំ FM 105.70 MHz

-     ទីភ្នាក់ងារសារព័ត៌មានកម្ពុជា- AKP

-     គេហទំព័រ គ.ជ.ប ៖ electresult.nec.gov.kh

-     កម្មវិធីទូរសព្ទដៃ (App) ៖ NEC KH 

-      Facebook ៖ គណៈកម្មាធិការជាតិរៀបចំការបោះឆ្នោត National Election Committee

-      YouTube ៖ គណៈកម្មាធិការជាតិរៀបចំការបោះឆ្នោត National Election Committee

អាស្រ័យហេតុនេះ សូមសាធារណជន អ្នកសារព័ត៌មាន និងភាគីពាក់ព័ន្ធនឹងការបោះឆ្នោត រង់ចាំតាមដានដោយមេត្រី!