សេចក្តី​ប្រកាស​ព័ត៌មាន​ ​លេខ​ ​០១៣​៖​ ​ការចុះបញ្ជី​គណបក្ស​នយោបាយ​ឈរឈ្មោះ​បោះឆ្នោត​ ​និង​បញ្ជី​បេក្ខជន​ឈរឈ្មោះ​ ​សម្រាប់​ការបោះឆ្នោត​ជ្រើសរើស​ក្រុមប្រឹក្សា​ ​អាណត្តិ​ទី៣​

គ្រប់​គណបក្ស​នយោបាយ​ ​ដែល​បាន​ចុះបញ្ជី​យ៉ាង​ត្រឹមត្រូវ​ស្របតាម​ច្បាប់​ស្តី​ពី​គណបក្ស​នយោបាយ​នៅ​ក្រសួងមហាផ្ទៃ​ ​មាន​សិទ្ធិ​ចុះបញ្ជី​គណបក្ស​នយោបាយ​ឈរឈ្មោះ​បោះឆ្នោត​ ​និង​បញ្ជី​បេក្ខជន​ឈរឈ្មោះ​ ​សម្រាប់​ការបោះឆ្នោត​ជ្រើសរើស​ក្រុមប្រឹក្សា​ ​អា​ណ​តិ្ត​ទី៣​ ​ឆ្នាំ២០១៩​ ​។​ ​នេះ​ជា​ការ​លើកឡើង​របស់​ ​ឯកឧត្តម​ ​មាន​ ​សទិ​ ​សមាជិក​ ​គ.ជ.ប​ ​និង​ជា​ប្រធាន​ដឹកនាំ​អង្គប្រជុំ​ ​ជាមួយ​ភាគី​ពាក់ព័ន្ធ​ ​ស្តី​ពី​ការចុះបញ្ជី​គណបក្ស​នយោបាយ​ឈរឈ្មោះ​បោះឆ្នោត​ ​និង​បញ្ជី​បេក្ខជន​ឈរឈ្មោះ​ ​និង​ការ​ប្តឹង​តវ៉ា​ ​និង​ដោះស្រាយ​ពាក្យ​បណ្តឹង​ទាក់ទង​នឹង​ការចុះបញ្ជី​គណបក្ស​នយោបាយ​ឈរឈ្មោះ​បោះឆ្នោត​ ​និង​បញ្ជី​បេក្ខជន​ឈរឈ្មោះ​ ​នៅ​សាលសន្និសីទ​ ​គ.ជ.ប​ ​នា​ព្រឹក​ថ្ងៃទី៥​ ​ខែមីនា​ ​ឆ្នាំ២០១៩​ ​។​

​ភាគី​ពាក់ព័ន្ធ​ដែល​បាន​ចូលរួម​កិច្ចប្រជុំ​នេះ​រួមមាន​ ​៖​ ​តំណាង​ក្រុមប្រឹក្សា​ធម្មនុញ្ញ​ ​ព្រឹទ្ធសភា​ ​រដ្ឋសភា​ ​ក្រសួងមហាផ្ទៃ​ ​ក្រសួងព័ត៌មាន​ ​គណបក្ស​នយោបាយ​ ​ចំនួន​ ​៩​ ​តំណាង​ស្ថានទូត​ជប៉ុន​ ​អង្គការ​មិនមែន​រដ្ឋាភិបាល​ ​ចំនួន​ ​១៧​ ​អង្គភាព​សារព័ត៌មាន​ ​ចំនួន​ ​៦​ ​និង​មន្ត្រី​ ​គ.ជ.ប​ ​សរុប​ចំនួន​ ​៨០នាក់​។​

​ឯកឧត្តម​ ​មាន​ ​សទិ​ ​បាន​បន្ថែម​ថា​ ​គណបក្ស​នយោបាយ​ដែល​មានបំណង​ចូល​រួម​ប្រកួត​ប្រជែង​ក្នុង​ការបោះឆ្នោត​ជ្រើសរើស​ក្រុមប្រឹក្សា​ ​ត្រូវ​ចាប់ផ្តើម​ដាក់ពាក្យសុំ​ចុះបញ្ជី​គណបក្ស​នយោបាយ​ឈរឈ្មោះ​ ​បោះឆ្នោត​នៅ​គណៈកម្មការ​រា​ជធានី​ ​ខេត្ត​រៀបចំ​ការបោះឆ្នោត​ ​(​គធ.ខប​)​ ​យ៉ាងតិច​ ​៨០​ ​ថ្ងៃ​ ​មុន​កាលបរិច្ឆេទ​នៃ​ការបោះឆ្នោត​ ​មានន័យថា​ ​ការចុះបញ្ជី​គណបក្ស​នយោបាយ​ឈរឈ្មោះ​បោះឆ្នោត​ ​និង​បញ្ជី​បេក្ខជន​ឈរឈ្មោះ​ ​មាន​រយៈពេល​តែ​ ​៥​ ​ថ្ងៃ​ ​ប៉ុណ្ណោះ​ ​ចាប់ផ្តើម​ពី​ថ្ងៃទី៧​ ​ដល់​ថ្ងៃទី១១​ ​ខែមីនា​ ​ឆ្នាំ២០១៩​ ​។​

​ឆ្លើយ​តប​ទៅ​នឹង​សំណួរ​អ្នកសារព័ត៌មាន​ ​ថា​តើមាន​គណបក្ស​នយោបាយ​ចំនួន​ប៉ុន្មាន​នឹង​ចូលរួម​ ​ប្រកួតប្រជែង​ការបោះឆ្នោត​ជ្រើសរើស​ក្រុមប្រឹក្សា​ ​ឯកឧត្តម​ ​កែវ​ ​ផល្លា​ ​ទីប្រឹក្សា​ ​គ.ជ.ប​ ​និង​ជា​ប្រធាន​នាយកដ្ឋាន​សេវាកម្ម​ច្បាប់​ ​និង​វិវាទកម្ម​ ​ពន្យល់​ថា​ ​គ.ជ.ប​ ​មិន​អាច​សន្និដ្ឋាន​បាន​ថា​ ​មាន​គណបក្ស​នយោបាយ​ ​ចំនួន​ប៉ុន្មាន​នឹង​ដាក់ពាក្យ​ចូលរួម​ប្រកួតប្រជែង​ទេ​ ​ប៉ុន្តែ​មាន​គណបក្ស​នយោបាយ​ចំនួន​ ​៤​ ​តែងតែ​ទាក់ទង​មក​មន្ត្រី​ជំនាញ​ ​ដើម្បី​សួរ​ព័ត៌មាន​។​ ​គណបក្ស​នយោបាយ​ទាំង​ ​៤​ ​នោះ​ ​រួមមាន​ ​៖​

  • ​គណបក្សប្រជាជន​កម្ពុជា​
  • គណ​បក្ស​ហ៊្វុន​ស៊ិន​ប៉ិច​
  • គណបក្ស​ខ្មែរ​រួបរួម​ជាតិ​
  • ​គណបក្ស​យុវជន​កម្ពុជា​ ​។​

​សូមជម្រាប​ជូន​ថា​ ​កាលបរិច្ឆេទ​នៃ​ការ​ចាប់ឆ្នោត​កំណត់​លំដាប់​លេខរៀង​គណបក្ស​នយោបាយ​នៅ​លើ​សន្លឹកឆ្នោត​ ​គ.ជ.ប​ ​មិនមែន​ជា​អ្នក​កំណត់​ទេ​ ​គឺ​អាស្រ័យ​ទៅលើ​នីតិវិធី​នៃ​ការចុះបញ្ជី​គណបក្ស​នយោបាយ​ឈរឈ្មោះ​បោះឆ្នោត​ ​និង​បញ្ជី​បេក្ខជន​ឈរឈ្មោះ​ ​និង​ការ​ប្តឹង​តវ៉ា​ ​និង​ដោះស្រាយ​ពាក្យ​បណ្តឹង​ទាក់ទង​នឹង​ការចុះបញ្ជី​គណបក្ស​នយោបាយ​ឈរឈ្មោះ​បោះឆ្នោត​ ​ចប់​ជា​ផ្លូវការ​ ​ទៅតាម​ ​គធ.ខប​ ​នី​មួយ​ៗ​ ​៕​

It appears your Web browser is not configured to display PDF files. Download adobe Acrobat or click here to download the PDF file.

Click here to download the PDF file.

ទាញយកកម្មវិធី(App) CamNEC News

 

មន្ត្រី​​​ទទួល​បន្ទុក​​គេហទំព័រ​៖ 096 69 09 778