គណៈកម្មាធិការជាតិរៀបចំការបោះឆ្នោត (គ.ជ.ប) នឹងរៀបចំកិច្ចប្រជុំផ្សព្វផ្សាយជាមួយភាគី ពាក់ព័ន្ធ ស្តីពីការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ឆ្នាំ២០១៨ និងបណ្តឹង ទាក់ទងនឹងការឃោសនាបោះឆ្នោត ការបោះឆ្នោត និងការរាប់សន្លឹកឆ្នោត នាថ្ងៃសុក្រ ទី០៩ ខែកុម្ភៈ ឆ្នាំ២០១៨ វេលាម៉ោង ១០:០០ នាទីព្រឹក នៅសាលសន្និសីទសារព័ត៌មាន គ.ជ.ប។
អញ្ជើញចូលរួមក្នុងកម្មវិធីនេះរួមមានជាអាទិ៍៖
- តំណាងក្រុមប្រឹក្សាធម្មនុញ្ញ
- ក្រសួងពាក់ព័ន្ធនានា
- តំណាងគណបក្សនយោបាយ
- តំណាងអង្គការមិនមែនរដ្ឋាភិបាលជាតិ និងអន្តរជាតិ
- តំណាងស្ថានទូតជប៉ុន
- ជំនាញការ JICA និងជំនាញការកូរ៉េ ប្រចាំនៅ គ.ជ.ប
- អ្នកសារព័ត៌មានជាតិ និងអន្តរជាតិ។
របៀបវារៈនៃកិច្ចប្រជុំមានដូចខាងក្រោម៖
- មតិស្វាគមន៍ និងសម្របសម្រួលកម្មវិធី ដោយលោក ខន កែវមនោ ប្រធាននាយកដ្ឋានព័ត៌មាន និងទំនាក់ទំនងសាធារណៈ
- មតិសំណេះសំណាលរបស់ឯកឧត្តម មាន សទិ សមាជិក គ.ជ.ប និងជាប្រធានដឹកនាំអង្គប្រជុំ
- មតិយោបល់របស់ភាគីចូលរួម
- ការឆ្លើយបំភ្លឺទៅនឹងមតិយោបល់ដែលលើកឡើងរបស់ភាគីចូលរួម។
សេចក្តីជូនដំណឹងនេះ ចាត់ទុកជាការអញ្ជើញប្រព័ន្ធផ្សព្វផ្សាយព័ត៌មានជាតិ និងអន្តរជាតិចូលរួម យកព័ត៌មានកុំបីអាក់ខាន ៕
